煙都食啦，驚咩食紅心蛋？

各位，我係周一 鑊，呢排好多人問我，鎮府係咩對 紅心蛋事件掉以輕心，係咩唔嗲唔吊，實情…你無講錯，我唔擔心呢個問題。點解？好簡單。問心，食煙會致癌，通街都知，死埋人添，通世界都知，但 通世界都照食，仲要無得食就要同你死過，我地鎮府諗住通過禁煙法例，照例都係為你好，但sorry，成村人出黎反對，個個表示己為煙死為煙亡，話之你生癌 定陽萎，照食，你鎮府唔好多事。

好啦，我收到哂，作為一個負 責任的鎮府，梗係要從善如流，照 顧民情啦，既然我地香港市民根本唔怕死，唔怕生癌，咁我收到哂啦。好啦，紅心蛋，蘇丹紅第四代，微量致癌元素，程度比煙仔輕好多好多喎，根據「食煙不怕 死」既邏輯，你地應該唔怕死、唔會驚喎，誰知真係玩野啦，你班友你突然又好怕死，突然又好注重健康，對紅心蛋喊打喊殺喎﹗你叫我，點樣適應你地好呢？

實 情，各位，致癌物質真係遍布全球，食得多燒臘又話會致癌，食得煎炸薯片多又話會致癌，但個d食物好似無人驚無人怕無人要求回收喎，點解對紅心蛋要咁窮追猛 打呢？我有理由相信，你班刁民，其實係歧視大陸貨，鬼佬煙仔有癌你地唔驚，祖國的紅色海洋傳遍衣食住行每隻雞蛋都有，你地就鬼殺咁嘈，錯既，係你地﹗

下次食煙不忘食蛋，由頭至外一片紅，包你又紅又專大紅大紫﹗﹗

文章來源：曾志豪說：我是魚皇